هِز يا وز
هِز يا وز هِز
هِز ضميرك هِز
لا تراعي ملة ولادين
هِز يا وز هِز
بيع مبادئ بيع قيم
بيع حريتك عيش صنم
هتعيش يا سيدي عيشة تلذ
هِز يا وز هِز
اركب سفينة الطمع
وانزل بحر الغرور
هتلاقي نجمك لمع
بين الجميع مشهور
وكلمتك تهز البلد
ويطلبوا منك مدد
وانت جواك وحش مسعور
وتلذ للدنيا اتلذ
هِز يا وز هِز
اترقص يا بو كرسي وهيبة
للي هيدفع اكتر
لو تحصل ألف مصيبة
المهم حسابي يكبر
للملم وجمع فلوس
على قد ماتقدر كتر
وغير في النفوس
على فعلك تتستر
وبالأوهام اتحظ
وعلى الصاجات
على واحدة ونص
عري شرفك تعالى بُص
المهم أنا ابقى في العلا
والكل تحتي انينهم يئز
هِز يا وز هِز
بس افتكر الزمان دوار
واللي مش شكر اتلسع م النار
واللي مش حمد عاش محتار
واللي مش رضي بالمقسوم
وعاشها حرام في حرام محروم
رحمة ربنا وأمان النهاية
ما هو كل ظالم وله نهاية
كل ظالم وله نهاية
الشاعر السيد حسن....
ليست هناك تعليقات:
إرسال تعليق