نزف العليل
بقلمي عبدالله رجب ابوعدنان
وانا قاعد ف شله م الصحاب
ضحكو بصوت يشبه الخرير
اتجردو م المشاعر
انا أملك جناح بيطير
ف الفن بيهدهد عصافير
رسمت أمل وكحلت الحلم
انيني محتمل واتجرعت الألم
أنا م الجراح ثمل
وف الحزن ألفت كتاب
قالو ادينا أمارة
شبعنا م هزيج الليل
وتعبنا من كتر الأشعار
وتعبنا من شيل الشيكارة
وروحنا مسلوبه ف عقب سيجارة
انت خيال على إزاز
صورة حلوة وكام برواز
صوتك الشجي رزاز
عصفور مشنوق ومخنوق وكل حروفك ألغاز
عزاز إحنا ف صوان الهم
جراح بكرة ازاي تتلم
اوعاك تعدي بحر التوهة وشم
أو تخطي الاناية هناك راح تلاقي الميه دم
والشريد بسعف الجريد بيلملم
وتشوف العديد والنواح عجاب
قولت انا مش ضي قناديل
انا غرقان ف نزف العليل
شايل نوح وبكا شيل
كل هزيجي ليكم تراتيل
وعارفني شاعر الغلابة
عندي مشاعر وإحساس ودم
واحنا ف ساعة اللقا
ازاي الفرحة تنقط وجع
ماصدقت لحظة صفا
وما صدقت الليل يشرع
قلبت ع نواح وبكا
قلبت ع دبح ودمع
وايه فايده الفرح لما ينطفي نور الأمل
لما تموت أزهار الربيع وتدبل
ويكون ودي حضن عذاب
ليست هناك تعليقات:
إرسال تعليق