صرنا دراويش بمجتمع
صعب فيه نعيش
مقضيينها برم وتفتيش
ع لقمة لبنة وجبنة
أو شوية حشيش
وفتح البيوت بدو
مصاري وشغل وتدفيش
صار كل شي هّم وغّم
وناخد الاشيا بالتنتيش
صرنا نشتغل شو ماكان
وبطّل فيه للواحد برستيج
لا دور ولا مركز شفنا
ولا حتى عم نشوف بقشيش
بس بدنا مدخول يأمّن لنا
شوية أغراض وللكراسي تقشيش
ما تفكروا هيدا بطر منّا
بس نحنا تعبنا وشقينا
كرمال بأخرتنا نقعد عَ ريش
كان معاشنا يسفّرنا
صار أنجأ يشتريلنا
شارجير مع فيش
ما تفكروا أنا قصدي اتمسخر
بس عم جرّب وصّف واقع.
شباب وصبايا عم بتفتّش
عَ مستقبلها جوا وبرا
تتلاقي مطرح تقدر فيه تلطي وتعيش.
"فاتن مصطفى دياب"
لبنان
ليست هناك تعليقات:
إرسال تعليق