فروجتين
يا حميدة أنا عايزة الفروجتين
مش قولتي هجيبهم . يوم الإتنين
شوفتيني . بسرعة قلبتي العين
ختالة ياخيتي . وبوشين
والله زعلت . وشايلة الطين
يا دميلة ( جميلة )
ياخيتي .
يا نن العين
حقك على راسي . وقلبي حزين
واللهِ البيت . مافيهوش رغيفين
دا الراجل . سافر من شهرين
لا بعت بسؤال . ولا جاب جينيهين
دي القفة يا بوي . يشيلوها اتنين
وأنا وحدي . ودايخة . وآه وآهين
لو روحت شمال . ألاقيها يمين
وعيالي يا مري . ناموا جعانين
طاب أجيب الأكل . يا دنيا منين
يرضيكي أبيع . حتى القيراطين
واقعد كدة جنبك . من غير طين
واسند دراعاتي . على الخدين
استني عليا . ياخيتي يومين
فروجك أجيبه . معاه بيضتين
واخبزلك عيش . ويا فطيرتين
وادي قصة حكوها . ولاد حسانين
دا الفقر معلم . ع الوشين
إفرجها يارب . على الأختين
خارج عن المألوف
نحلق دائما خارج السرب
نقد هزلي لواقع مرير
شادوليات
شاذلي محمد عبدالرحمن حسين.
ليست هناك تعليقات:
إرسال تعليق