وأنا جاي
وأنا جاي لبحر نتكلم
ياك جاي نخوي كل ماعندي
وشحال شلى زاد تعرم
راني مضيوم تقاضى جهدي
واش يمكن مواجو تساعدني
ترفق بيا وتحس بصبري
ماشي بحال لبشر مباعدني
ماتزيد اليوما ف ضري
راني انسان وعلى قد الحال
وتزول عليا هذ لحريق
ماتعدبني ماتغير البال
تصفى الحالة تنور لي طريق
لحسد اعمى الناس ياحسرة
بعدابو وشحال تحدى
عشقو سيادي غير مضر ة
فات الانسانية وتعدى
ماباغي لخوه يحس بمسرة
بقلم صقر الحروف الزجال المحجوب بوسبولة
ليست هناك تعليقات:
إرسال تعليق