كلام من القلب للقلب
فكر مرة واسأل نفسك قبل ما تقابل ربك
فين بذرتك الطيبة إللى وقت الهم تشيل
اللى مهما الزمان بيك يميل لا تنحنى
ولا تتكسر ولا تغير جلدها ولغيرك تميل
اسأل نفسك فين الحنين وتعب السنين
فين الوصال كله كلام بدون وفا
ليه البعاد ؟ ليه الجفا؟
ليه القلوب ذى الرمال متحركة
شويه رياح وزعابيب تشيل الجذر
وتطرح بذور متصنفة
على كل لون متحرفة
تطرح ثمار معطبة
مهما ترويها الخير
معدوم فيها ما الجذر مغشوش
طارح فى أرض مخوخة
مهما تلف ولا تدور غير أصلك ما يكون
سكنت قصور لبست حرير بقيت حاكم
ولا وزير مسيرك لرب العالمين
وتذكرة مرورك دينك وسنة رسولك
راجع حساباتك غير حياتك
واسأل نفسك ليه تتعالى وتغش
وتخون وتتكبر وعلى أهلك تتغير
وبمالك تتفشخر
ولايوم تحن لأصلك
يا مغرور يا مغرور
إحنا فى زمن الفجور
وإلى يجرى وراها مجنون
اسأل نفسك وعاتبها حاسبها وخليك
رقيبها
دى الصورة بنورة تحكى تاريخ الذكريات
يجمع أهات فى كراسة الحساب تطرح
عذاب
وسلام فى كلام من القلب للقلب
بقلمى/سميه نور الدين محمد
ليست هناك تعليقات:
إرسال تعليق