يَا لِيتْ
يَا لِيتْ طِيفَكْ
لْبَارَحْ مَا جَانِي
يْزُورْنِي يَا لِيتُو
لْبَارَحْ كُنْتَ أَنَا
فْنُومِي هَانِي
وَلْيُومْ جَانِي
وَلْعَنْدُو خْذَانِي
رْكَبْنَا زُوْرَقْنَا
وَفْرَاشُو سْبَانِي
وَرْدْ بْيَضْ وَحْمَرْ
جْمِيلْ قَانِي
قُلْتْ لِيكْ
نْتَ وْرُودِي...
وْقُلْتِ نُورَك
نْتَ لِّي غَطَّانِي
قُلْتْ لِيكْ
نْتَ شَمْسِي...
وَشَّمْسْ جَمْرَ
عَلَّقَبْرْ تْعَانِي
نْطَقْ لْسَانَكْ
شْهَدْ مَا لُ ثَانِي
نْتَ قَمَرِي
بَعْدْ شَّمْسْ سَانِي
فْرَِحْتْ وَشَرْقَتْ
بِدَّمْعِ عْيَانِي
وُقُلْتْ نْتَ جَنّْتِي...
لْيُومْ بَوْجُودَكْ
عْذَابِي نَسَانِي
يَا لِيتْ لْحُلْمْ
دَامْ طُولْ زْمَانِي
يَا لِيتْ كْلَامَكْ
رِيقْ فِ لْسَانِي
لَكِنّْ حُلْمَكْ قْصِيرْ
زَالْ وَخَلاَّنِي
نَارْ حَرْقَتْنِي
وَصَهْدْهَا عْمَانِي
يَا لِيتْ طِيفَكْ
لْبَارَحْ مَا جَانِي
يَا لِيتُه مَا كَحَّلْ
لِي جْفَانِي
الطَّيِّبِي صَابِرٍ(الْمَغْرِبُ)
ليست هناك تعليقات:
إرسال تعليق