يَا لْعَرْبِي / بقلم / الطيبي صابر

 يَا لْعَرْبِي

1

يَا لْعَرْبِيُّ خُوكْ خُوكْ مَا لِيكْ لِينْ عْلَى خُوكْ

هُوَ ذ،رَاعَكْ عْوِينْ لِيكْ مَنْ زْمَانْ عْلَى عْدُوكْ

حَسْبُو خُوكْ فْ دِينَكْ حَتَّى لَوْ مَا وَلْدُو لِيكْ بُوكْ

يَا رَبِّ لْعَرْبِي الْيُومْ رَاهْ فْ قْضِيبْ مَسْلُوكْ

2

يَا لْعَرْبِي بَعْدْ مَا كُنْتِ مَالَكْ لْيُومْ هَانْتَ مَمْلُوكْ

بَعْدْ مَا كُنْتِ قْوِي وْحَاكَمْ لْيُومْ هَانْتَ مَنْهُوكْ

آشْ سْبَابْ ضَعْفَكْ شَفْتَكْ تَعْبَدْ ذُوكْ وْذُوكْ؟

يَا رَبِّ لْعَرْبِي وْخُوهْ لْيُومْ دَمْهُمْ مَسْفُوكْ

3

لْعَرْبِي فٍيقْ مَنْ وْهَامَكْ وْثِقْ فْ للِّي لَامُوكْ

حَتَّى لِينْ تَبْقَى تَابَعْ طَامَعْ فْذُوكْ للِّي غَرُّوكْ

رَاكْ مَا تَفْلَحْ فْ حْيَاتَكْ وْنْهَايْتَكْ تْكُونْ مَهْلُوكْ

نَرْجَاكْ يَا رَبِّ لْعَرْبِي رَاهْ تَاهْ بِينْ ذُوكْ وْذُوكْ

4

يَالْعَرْبِي دِينَكْ طْرِيقَكْ هُوَ قَانُونُكْ مَسْكُوكْ

لَا تَنْسَخْ لَا تَمْسَخْ لَا تْخَلِّي عَرْضَكْ مَهْتُوكْ

لَا تّْبَعْهُمْ فْ هْوَاهُمْ لَا تْخَلِّي دِينَكْ مَتْرُوكْ

يَا رَبِّ لْعَرْبِي لْيُومْ أَمْرُو صْبَحْ مَشْكُوكْ

5

يَا لْعَرْبِي يَدَّكْ فْ يَدّْ خُوكْ تَنْجَ مَنْ شُّوكْ

حْكَمْ وُعْدَلْ وُجْعَلْ أَرْضَك، لًكْتَابْ لْمَحْبُوكْ

لَا تَطْغَ لَا تّْجَبَّرْ لَا تَكْرَهْ لَا تَحْسَدْ للِّي فَاتُوكْ

يَا رَبِّ نْتَ رَبّْ لْعَرْبِي وْهُوَ عَبْدْ مَمْلُوكْ

الطيبي صابر(المغرب)