جار أبو لهب (574)
وآه من يوم هييجي
لا الدين فيه إندفع
هتدور الدنيا بينا
ندارى فى خوف مالينا
لا بنحسب عمر راح
وضمير بالعند فينا
له سنين ينزف جراح
دواقنا مرار حرامه
فى طريق من زرعه شوك
جاه اليوم يجنيه بأيده
يصرخ وبأعلى صوت
وماحدش ناسي حقه
والكل فى أيده سوط
فين تهرب من الحقيقه
حطمت قلوب بريئه
ياما أذيت البنيه ودافينها سنين وحيه
مغصوبه لا عايشه دنيا ولا سلمت من دي نيه
على كف وعقده رابط
ساحر بقذرته حارق
كام وش هناه إتحجب
خارج عن دين ومله وشيطانه ماسك له ذله
في جحيم جار أبولهب
بقلم .. صبري رسلان
ليست هناك تعليقات:
إرسال تعليق