البخيل
قاعد تلم وتحوش
ومش هاين عليك تصرف
طمعان ع الكل بتكوش
أتحداك لو كام معاك تعرف
حزين والتوب متقطع
وتحت الحيطان مرمي
توبك ميت رقعة مترقع
وتقول معاي دعا أمي
انت علي ضناك قاسي
وم لبسهم توب الهم
ولو طلبوا تعمل ناسي
وتقلهم ربنا يعلم
حارم ولادك م التعليم
وف ايدك اللي يكفيهم
مش عاوز تصرف مليم
اتقي ربك يابني فيهم
خليتهم ع الناس بيبصو
وبيخدمو اللي ميسوش
وملاينك بيزيدو يترصو
ولبست جنيهك طربوش
يامرارها ام العيال
اللي عايشة بقالها سنين
بتعاني مر واهمال
وتقول خلينا صابرين
يمكن ربك هيعدلها
عالم ربنا بالاحوال
يمكن بالحلو يبدلها
بكرة تبقولي رجال
وزمان كبيرنا قال
يكبرو بكرة الصغار
ويسعدوكي يام العيال
ويجلو الهم والغبار
الشاعرة نفيسةعمارة
ليست هناك تعليقات:
إرسال تعليق