أسير حبك
بقلمي يحيى حسين
ما عدت قادر أستحمل
أسير البعد والحرمان
وأنا وحدي في زنزانتي
وجلادي هو إنتي
ليه طويتي شراع حبي
ومركب قلبي صبح غرقان
أسير القسوة والوحدة
مسيره مرة في يوم حيثور
مسيره يفك أغلاله
ونبض القلب يبقى جسور
ويرمي عنه أحزانه
وعشق السجن وسجانه
ويبل شفايفه بالميه
حرام قلبي كتير عطشان
تعبت من الصبر وصبري
طريق كله جدار وسدود
دا حتى صبري زهق مني
دا حتى الصبر أكيد له حدود
ولكن حبك حيندهني
يا سر ضعفي أنا ووهني
وأكيد قلبي حيسمع له
ويرجع تاني لقفص وقيود
أسير للحب والأحلام
وقدام حبك قلبي جبان
ومهما أتعذب أنا ببعدك
حيفضل حبك وطن عنوان
يحيى حسين القاهرة
1 يوليو 2020
ليست هناك تعليقات:
إرسال تعليق