سمك النيل
سمك النيل في الأرض
يعوم
من كل القبائل في كرش
قرموط وفرشة وتنبر
وكاس وبلطي وكجيك
وعجيل وبياض
كل قبيلة ليها ملامح
ولمعة لون
بنيات سماتهن ماينشفن
على دخيل
بذكرك لما بنت ألمك
وقعت في النيل
ما أخذت منك خوانه
وأنت القلت أنا ولدك
يا بلد
للضعيف ومحتاج دعم
سريع
تقوم تعزف في جرح
الحرة مذلة
العار هو انت وهي منه
تبري
بنستر عرض إن بماء
عكر انبلا
زي ما قال شرع الله
العصر
جلب للأرض الفساد
والخراب
كل شيء مباشر ويدبلج
كي يعاصر
عشان أولاد قريش
عينهم تقع
والإيد تنشل
والرجل تتقهقر وترجع
ما بنقدر نخلف العهد
ولا كلام النبي عليه أفضل
الصلاة والسلام
نرمي به الأرض
بنتمسك بالميثاق حتي
لو علي رقابنا الحد
بنتقابل والسيف يسمع في
الكلام
كان بقي كتر
بنتوشح صفات الإحتضار
لينا أو علينا الموت مرسال
والنصر
من الله القوي الجبار
وبنات النيل لابسات العفة
مقنع
ابقي قدر عواستك أكل وأبلع
اللهم نسألك خير ما كان
واسترنا يوم الزحام
اللهم آمين يارب العالمين
اللهم صلي وسلم وبارك على سيدنا
محمد وعلى آله وصحبه اجمعين
الطيب عثمان الطيب
ابو نبيلة
ليست هناك تعليقات:
إرسال تعليق