خُد بالك
خُد بالك قبل ما تختار لف دار ورا دار
قالوا في الأمثال قبل ماتناسب حاسب
حاسب من النهاردة وبكرة
وغدرة المستخبي قبل مايبان
واللي ماتعرفوش ومخبيه الزمان
واوعىٰ تحتار وأنت بتختار
واسأل عقلك يقولك وقلبك يدلك
واستشير الكبار
أصل الإختيار زي الليل والنهار
وزي الطيخة
شكلها جميل تشتهيها النفس وتاخد العين
يا تكون حلوة ومسكرة
يا تكون ماسخة ومش عارف ترميها فين
إسأل وشوف واعرف الأحوال
من اهل الحته والجيران
إسأل عن الأم أصل الأم عنوان
وسيريتها مع الجيران
ماهي أول مدرسة للعلم والإيمان
ياتكون علقم زي الحنظل
ولسانها يلدغ زي التعبان
ياتكون رمز المودة والراحة والأمان
خُدها نصيحة قبل ماتناسب حاسب
واسأل اللي اتعلم م السنين ومُر الزمان
ابراهيم محمد آدم
ليست هناك تعليقات:
إرسال تعليق