الظلام ) للشاعر الدكتور علي مسلم عجمي
-------------------
شمس العدالة شعاعها جايي
يمحي الظلام و يكشف الغاية
كل شي بالكون لمّا يبتدي
لكن ظلام الليل للعشاق
بلسم جراح العاشق المشتاق
بتِخلِق تباريحو و ظلامو..نور
و ما في بظلامو ظلم أما فراق
**************************
بيبقى ظلام العقل نكبة للعباد
جهل و تخلف لا حضارة و لا رشاد
بيرجع لعصر الجاهلية و المراد
عقل مظلم جاهل و مطلي بسواد
لكن ظلام القلب حقد و اضطهاد
قسوة و كراهية و غدر كلو حداد
خيانة و علاقة من فساد على فساد
بتفكك الأسرة السعيدة و الولاد
القلب زائد عقل بيعيشو بظلام
الويل كل الويل بيعم البلاد
خَيَّم ظلام الليل و النور اختفى
و طل ظلم الفاسد بقوة و لفى
و أيا ظلام بينتعي و وقتو قريب
إلا ظلام البشر ما منو شِفا
دوم أهل العاطفة و أهل الغرام
نور العشق بيظل شاعل عالدوام
أجمل لقا للعاشق بعتمة الليل
نور القلوب العاشقة بتمحي الظلام
وقت الظهر و النور آخر إنسحام
الشمس وسط السما و الدنيا هبوب
و فنجان قهوة و كم كلمة بالغرام
بوقت حر الشمس بيبورد قلوب
و فجأة لجهة الغرب بينلي علام
بلَّشت عتمة و العتم غطى الدروب
سألت شو اللي صار تا حل الظلام
قالو شمس بيروت راحت عالجنوب
الأخوِة ما لازم عن بعض يتباعدو
خيّك إذا اختلت أساس قواعدو
إيدك بإيدو و ساعدك في ساعدو
استعمل الحكمة و العقل تا تعاضدو
ان كان ظالم عن ظلامو باعدو
و عالعفو و الأخلاق حثُّـوا و واعدو
لكن إذا مظلوم من ظالم غشيم
واجب عليك بكل جرأة تساعدو
الشاعر د. علي مسلم عجمي
لبنان
ليست هناك تعليقات:
إرسال تعليق