آلام أسفل الظهر الحادة ..
آلام أسفل الظهر من أكتر الأمراض التي تصيب عامة الناس,, تقريبا ٧٠ - ٨٠ % من البشر مصابين بألم في أسفل الظهر على الأقل مرة واحدة في حياتهم ..
أسفل الظهر تعريفه هو أي ألم تحت الفقرة الصدرية ١٢
سنتكلم اليوم عن ألام الضهر الحادة acute low back pain ..وهذه يكون الألم فيها أقل من شهر فيه تقسيمات ثانية على حسب مدة الآلام
ممكن يجي مع تسميع في الفخذ من الخلف أو حتى تنميل تحت الركبة أو شد في العضلات الخلفية أو السمانة ..
سنسأل الاسئلة للطب المقارن بالدليل evidence based medicine نسألهم ونجاوب عليهم ..
السؤال الأول ..
- هل لازم أعمل أشعة سواء عادية أو مقطعية أو حتى رنين مع آلام الضهر الحادة ؟
الإجابة.. لا مش لازم إلا في حالات معينة خطيرة عن عدم التحكم في البول أو تنميل شديد في الرجلين ..
لا مش لازم تعملها بس مش غلط تعملها .. الموضوع راجع لتفضيل الدكتور بعد الفحص الطبي على المريض
س ٢ : ما هو العلاج المناسب لألم الضهر الحاد؟
ج : فحصنا المريض وعملنا إشعات وتحاليل واطمنا أن هذا ألم ضهر بدون سبب ثاني خفي nonspecific low back pain . وهذا تقريبا ٨٥ بالميه من الحالات .. يبقى ننصح بالآتي ..
١- نطمن المريض ونعطيه التعليمات الصحيحة
٢- نرتاح في البيت ولو الألم شديد جدا ممكن في السرير يوم أو أثنين ولكن مش أكتر من كدا
٣- لو الشغل بسيط ممكن ننزل الشغل بحساب
٤- نوصف للمريض بعض المسكنات ومضادات الإلتهاب وباسط للعضلات لفترة معينة ..
س ٣ : إمتى تقلق ؟
ج٣ : ١- لو الألم طول ل ٦ شهور وبدأ يأثر على المريض نفسيا وعضويا ويدخله في نوبات قلق و ممكن مشاكل قوامية هنا المريض يحتاج تأهيل نفسي وتعليم للمرض أكتر منه علاج دوائي أو طبيعي ..
٢- بدأت تظهر آثار ضغط على الأعصاب أو تنميل وهذه لها كلام ثاني شاء الله ..
س٤ : كيف العلاج ؟
ج : كشفنا علي المريض ،، اطمنا إن ما في سبب خفي للألم ،، طمناه وذهب لشغله ..
هنا يكون العلاج في إيد المريض وليس الدكتور ،، لأن الألم مع الوقت بيخف وكمان نرجع نعمل اللي كنا نعمله زمان ويرجع الألم ثاني ..
العلاج بأختصار ..
علاج دوائي راحة علاج طبيعي تأهيل نفسي وتوجيه المريض ..
بالنسبة للي بيلعبوا تمارين مقاومة .. لو ظهرك وجعك ..يبقى فيه شيء غلط ..
التكنيك غلط وليس له لزوم في تمارين الظهر على فكرة .. أنت ممكن ظهرك يوجعك وأنت نائم على ظهرك وبتلعب بنش مسطح أو ساند ضهرك وقاعد بتلعب كتف دامبل. .
( ٩٥ بالميه من اللي بيلعبوا في الجيم بيلعبوا غلط )
أو الحمل زايد ومش مناسب مستواك أو مش بتسخن كويس أو ما عندك مرونة في عضلات الخلفية فما أثره على أسفل الظهر ..
أو عندك ضعف ف عضلات المؤخرة الـ glutes في أسفل الظهر بيحمل أكتر من المطلوب .. ..
المهم .. لو ظهرك وجعك وأنت بتتمرن دور على السبب و حاول تقي نفسك منه مش العلاج ..
دمتم بخير ..
د/ سوسن إبراهيم
ليست هناك تعليقات:
إرسال تعليق