يا خينا أسمع وطنش
خليك طويل البال
سمعنا كتير قبلك
وطلع كلام أمثال
لا تقولي وعد أخدته
طالما الكلام بيسيح
زي الزبدة ف الحال
امسك أعصابك واسمع
واضحك كمان وكمان
كل الوعود كدابة
وشاهد عليها عيان
زمنا خلطبيطة وضحك
على ... الغلبان
ال بيفرح ساعة
ويحزن باقي العام
خد الكلام وارمية
في حته فيها ركام
واعمل نايم او ميت
لو عاد الكلام بكلام
زمنا زمن حواديت
واللعب فيه شغااااال
لكل بايع ضمير
واصله كان محتال
كتير قالوا يا خينا
وطلع الكلام موال
سمعته أكيد يا خينا
على لسان متقال
الغلابة لهم واحد
خليك معاهم ف وصال
اصل الواحد سبحانه
بيرزقهم رزق حلال
ليوم معلوم سبحانه
مايخطر لكداب ع البال
( اسمع وطنش )
بقلمي/ جمال حلمي ابراهيم عامر
ليست هناك تعليقات:
إرسال تعليق