لسه ساكنة جوه قلبي
وعقلي لسه مش ناسيها
رغم السنين مرت سريعة
عقلي لسه روحه فيها
عمري ما نسيتها ياعقلي
ولا نسيت لون عينيها
كل ليلة تجي ف منامي
أخدها ف حضني بخاف عليها
وقول يا ليل طول ساعاتك
نهارنا خانا وضحى بينا
إزاي ياعقلي هانسى ال ليه
وأنت عارف حكايتي بيها
أنت عارف مين ال خان
وكسب الرهان كده ف دقيقة
خاني صاحبي ال عاش معايا
خان ال بنا ف يوم وليلة
لسه ساكنة جوه قلبي
وعقلي لسه مش ناسيها
شوفت الدنيا أزاي ياعق
بتقلب ساعات وتذل فينا
اتقل ياعقلي خليك عظيم
وخد بأيدي أعملي قيمة
( لسه ساكتة جوه قلبي )
بقلمي / جمال حلمي ابراهيم عامر
ليست هناك تعليقات:
إرسال تعليق