عبدالفتاح عبد الرحمن والي
وكله ماشي
للبيع راجل
نداء يا قلوب الصبايا كتير عاجل
بيفهم لغة القلوب ويطبب المجروحين
كان زمان وسيم من الحناجل
ولكل قلب ولكل شبه
أصله البعيد من السناجل
قيمته تبان في كلمه حلوه
وبوسه طايره مع الحمام زاجل
الدفع فوري والكاش بيلعب
أبدا يا ستي ما فيهاش أجل
نادت عليا من العليه
أميره بصه من المشربيه
عاوزه تفهم
قلت يا هانم يا ست الهوانم
للبيع راجل
عاش كتير ما بقاش قليل
وكل واحد من الحبايب قوام يذاكر
قبل ما ينسي في سنه خامسه
قبل العلام ما يجري ويتاخر
يا ست هانم يا ست الهوانم
زيدي شويه وقلبي معاه راخر
ويقول كلام في الغرام
تحكم عليه زينة الصبايا
قوام تلاقي حكيم قلوب من الأخر
ولو دمعه منك قوام يدوب
دا لسه يا دوب قايل كلام منقي من الفاخر
نادت سنيه بصوت قويه
قالت.ياعم قبل ما تنطق
للبيع راجل
وقالت دلال قرب يا خال
تبقي النهايه في ديول عبايه
تقيله فاضيه من الهم شايله الكتير
والصنعه إيه ما الطبع يحكم
إن كان غفير عمره ما يبقي هو الأمير
حلواني وجار عليه الزمن
وحتي الكلام إللي كان غرام
عسل وشهد في بق الصبايا
ولا مره تفرق إن كان مدير ولا الغفير
وقبل ما أمشي
وقفت دلال
يا نداشه لا.بوسه عليه كتيييييير
كفايه نظره وحتي خساره
دا حتي قالوا عليه عليل وعاش كبير
قلت ماشي وأديني ماشي
أشوف حالك يا قلبي وإيه يصير
وجاتني طوبه من البنت عايقه
فتحت قوام في قلبي غرزه والعقل منها قوام يطير
ما لسه بدري قوام هتجري
أمال نجيب منين قلب ندبحوا علي العيد الكبير
وتاني ما يفرق معايا إن كان مدير ولا الغفير
ليست هناك تعليقات:
إرسال تعليق