سألت قلبي
سألت قلبي ليش بيحبك
رد عليي نبض القلب برقة وحنين
وقال حبك مزروع بالوتين
وخلّا حياتي بسعادة من سنين
وتمنيت اشوفك وضمك لقلبي متل العاشقين
ونكون بحبنا قلب واحد مو قلبين
ويزّهر طريق حبنا ورد ورياحين
ولا يفرّق ما بينا لوم لايمين
خبيتك بقلبي وسكّرت بابه
وحفرت على جدرانه انت اغلى أحبابه
ورح ضل أركع وصلِ بمحرابه
واطلب من الله يديم عليي حبّك وحنانه
وتحملني على جناحك وتطير فوق الغيمات
وتقطفلي بإيدك احلى النجمات
وتوجّني على عرش قلبك أجمل الملكات
هيك بكون حققت كل الأمنيات
وما بقي غير نسكن فسيح الجنات
وبصدقي وإخلاصي رح كون إلك نجات
٣٠٢٣/٤/١٥
نجاة دلول
ليست هناك تعليقات:
إرسال تعليق