خليك صريحة
بقلم سامي محفوظ حنا
خليك صريحة
وما تخبيش
قولي الحقيقة
مهما كانت مرة
أهون الف مرة
ما تخليني
في الوهم أعيش
قولي أنك
ما بتحبنيش
وحبي ليك
من طرف واحد
عذاب ليا
ما ينتهيش
خليكي صريحة
ما تخبيش
ليه لما تبقي معايا
سرحانة في دنيا تانية
وعقلك مش معايا
وعينك فيها
مليون حكاية
وأسألك تقولي مفيش
خليكي صريحة ماتخبيش
ليه لما أغيب عنك
عني ما تسأليش
أنا أشتاق لك
وأنت متشتاقيش
أسهر الليل أفكر فيك
بتمنى أسعدك وأرضيك
ولو أطول نجوم السما
اهديها ليك
وأنت فيه مبتفكريش
ليا حق أقول لك
ما بتحبنيش
وقلبك مع غيري
بيعيش
متزعليش مني
ومتلوميش
لما أقول لك
ابعدي عني
وسيبي لي قلبي
يمكن يحب تاني
ومن غيرك يقدر يعيش
بقلم سامي محفوظ حنا
ليست هناك تعليقات:
إرسال تعليق