الفلوس
آه من دنيا. الفلوس
عالم مليان دروس
بتغرب في الحبايب
وبتلعب. بالنفوس
وعلي الاصيل تدوس
بتخلي الناس. تتوه
والحق. بينكروه
والاخ يبيع اخوه.
ويدور ع الفلوس
مش عارف والله يابا
دي دنيا ولا. غابة
بتكشر. للغلابة
وبتضحك للفلوس
لو زاد مالك وتشكر
ربك يعطيك كمان
وان كان مامعاكش اصبر
توصل بر الامان
دي فلوس بتروح وتيجي
وابن الاصول يبان
بيقولوا. ع. الليالي
قلابة. ومالها. غالي
مافيناش حالك وحالي
دي الدنيا. امتحان
مش عارف والله يابا
دي دنيا ولا. غابة
بتكشر للغلابة.
وبتضحك للفلوس
رسمالك. مش فلوسك
رسمالك. صحتك
وازاي تكسب فلوسك
لو تخسر. عافيتك
صون مالك صون عيالك
ابقاللك. م السجارة
والشيشة. والتحشيشة
تدمير صحة وخسارة
ومادلم عقلك في راسك
فكر واعرف خلاصك
دا العيب عيبك وجيبك
مستنظر. حكمتك
مش عارف. والله يابا
دي دنيا. ولا. غابة
بتكشر. للغلابة.
و بتلعب. بالنفوس
بتخلي الناس تتوه
والحق بينكروه.
والاخ. يبيع اخوه
ويدور ع. الفلوس
احمد محمود الشاذلي
ليست هناك تعليقات:
إرسال تعليق