ساعة ما أشوفك
"""""""""""""""""""""
يا نسمة ماشية على الأرض بتتهادى
قلبى فى حبك كل يوم بيتمادى
يا طبيبى قلبى إستوى
إفتح له قلبك عيادة
*****
حبك ملانى، وفاض فيا بزيادة
ساعة ما أشوفك مهجتى
قلبى بيتخلع منى
وأمشى وراك بنشوتى
وعقلى يهجرنى
وكأنى طاير فى الهوا
ودا مين فى دنيا الهوى
سعادته تعادلنى؟!
*****
وأنا روحى موصولة بحبيبى
وف قلبه آسرنى
تمشى تسيبينى
وصورتك جوه فى عينى
واقف مكانى
أدور عليا، ما أنش لقينى
*****
صوتك بيهمس داخل ودانى
وتحركى فيا الأمانى
ويشدنى ليك حنينى
عايز أتن دايماً معاك
لا يوم أسيبك ولا تسيبينى
*****
شعر/ سيد فتح الله
من ديوان / أم الدلال
ليست هناك تعليقات:
إرسال تعليق