فتاح ياعليم
فتاح ياعليم
رزاق ياكريم
واهي دنيا . وشايفين أحوالها
نكتب في كلام
أحلام . أوهام
بندقق حتى في تفاصيلها
دايما تايهين
محناش عارفين
في الصبح نفوق . ولا في ليلها
نضحك
على أكبر أحزانها
نبكي
والفرحة بنقتلها
ماهي دايرة وكترت مواويلها
عايشين . بنحل في مشاكلها
دايما في زحام
مش يبقى حرام
الحاجة الحلوة نبهدلها
بنعدي اليوم
ونسينا النوم
وخدانا اللقمة وأشغالها
والحوجة. بتركب مركبها
والموجة . ولا قادرة تشيلها
بنلف الدفة ونمسكها
ورياح بتهب وتنقلها
راضين بتعبها بنقبلها
والحظ بييجي ينيلها
دوامة بتكسر مقاديفها
وبنغرق ولا بنكملها
والقصة بنوصل لختامها
فتاح ياعليم
رزاق يا كريم
وأهي دنيا وشايفين أحوالها
خارج عن المألوف
نحلق دائما خارج السرب
شادوليات
كلام القلوب
شاذلي محمد عبدالرحمن حسين
.
ليست هناك تعليقات:
إرسال تعليق