لونه العنابي
بقلم / عماد الأبنودي
•••••••••
الورد اتكسى من حمر خدودك
ماشاءالله عليه لونه العنابي
و حتي القمر أهو بيعاني
قال اإلحقوني راح أستخبى
و أبعد بروحي كده حبه
و آدي اللي زاد كمان و غطى
خجلان مكسوف يداري عينيه
أنا واقع فعلاً في مشكلة
حيران يجي من كام سنة
أنا واحد تاني مش أنا
و لا عيبي قلبي المعضلة
غنوة هوايا تقول لحنها
و يرددها ...! كتيرر عاشقين
نغمتها طالعة مفيش زيها
تغزل أوتارها أشواق و حنين
تسمع كل بلاد الكون ...
الحاضر فيهم و اللي بعيد
تعلمه .. العشق المجنون
و إحساس إزاي القلب سعيد
بالراحة عليا شوية يا قلبي
الوضع معاك كدا تمام
هتقوم بسرعة للندا تلبي
و تقوله أنا ملكك في الغرام
دا أنت حالة متفردة
وصفها طبعاً مش عادي
ممكن تسبب ... 100 مشكلة
و تسهرني معاك دوماً ليالي
سعتها هأقول فعلاً حرمت
البعد صعب و عشقي هواه
و أعلن فرماني إني دوبت
عشان حقيقي روحي بتهواه
بقلم
عماااد الأبنودي
ليست هناك تعليقات:
إرسال تعليق