دنيا ماشية بألف
شكل وألف لون
دنيا فيها حاجات كتير
تخض العقل السليم
دنيا عرفت تاكل عقولنا
وكل عقل م العقول
الناس وراها فين ماتمشي
مع أي حاجة مهلالين
كدب ماشي فوضى ماشي
على كل شكل وكل لون
فين عقولنا ؟ فين ضميرنا
فين الخوف من العليم
ماعدش كلمة حق حلوه
فين يادنيا الرٓجل الأمين
مهما عشنا فيك يادنيا
كل واحد مستني دور
أهدي يادنيا أوعي تنسي
النهاية قرب كتير
الكل ماشي ودا المؤكد
الكل داخل جوه الطابور
ٱه يا دنيا كلك غلط
من الميلاد للنشور
قبل منا ضحكتي عليه
أصله أتعشم فيك كتير
لا طال م العيشة حاجة
ولا كمان ولبس الحرير
الكل .فاني الكل عاري
دي الحقيقه ودا المصير
القبر هو نهاية حياة
مين يسمع ؟ مين يعير ؟
( دنيا ماشية بألف شكل)
بقلمي / جمال حلمي ابراهيم عامر
ليست هناك تعليقات:
إرسال تعليق