من قال العمر غفلة
والآتي قريب.
مظبوط العمر
حكايات وروايات
منعيشها منحكيها ومنرويها
العمر زمن وقلبات
طلعات ونزلات
حب بيجي عغفلة
وقهر بتحكموا الغفلات
ما بدنا نوقف ننطر
ونقول رح تمرق
الحياة وتسرق
منا كل شي
قاسي حلو أو مقبول.
ما تخافوا ما تحكوا
ولا تبكوا
الحياة قدامنا
والأيام ماشية جنبنا
بتضل تشفق علينا
لو أحداثها بتصول وبتجول
روايات الدني
بسيطة ابسط
من خاتم باصبع
ناعم مزخرف ومشغول
لا تزعلوا عليها
وإ شكوها لقادر وخالق
بيعرف شو مِنقول
ما عاد في زعل
ولا حتى في أمل
بعالم حاكمه غول
بياكل وبيشرب عكتافنا
ونحنا منحيّه ومنحميه بدمنا
وأعصابنا وعضلنا المفتول
لا تكرهوا شي
الزمن كفيل يغيّر الحال
وربنا قادر يقبض روح كل مسؤول.
"فاتن مصطفى دياب"
مشاعر بالجملة
لبنان
ليست هناك تعليقات:
إرسال تعليق