قلبي
ياللي ساكن جوايا وعشرة أيامي والليالي والسنين
يرضيك تخوني بعد ما إديتك الأمان
وأنا اللي قلت عنك ستري وغطايا ودليلي للحنان
معقول تخدني وتروح بعيد عن بر الأمان
وسط الأهوال تسبني وحداني
من غير مركب ولا بحار
والموج يلعبّي يمين وشمال وأعيش تايه حيران
ليه تيجي عليا وتسيبني تايه وسط الظلام
سنين عشناها سوا بينا صراحة وحب ووئام
فاكر لما اتقابلنا وجمعتنا الأيام
بلاش تقسىٰ عليا واشوف ف عينيك الغدر
وأحس بعدم الأمان
إزاي راح أعيش معاك العمر وباقي الأيام
وأنا اللي قلت أنت عمري والراحة وسعادة الأيام
إرجع ياقلبي وانسيٰ اللي عدىٰ واللي كان
ده العمر مش بالسنين
العمر بالموده والشعور بالراحة والأمان
إبراهيم محمد آدم
ليست هناك تعليقات:
إرسال تعليق