- خدنا إيه يازمن ----
كلمات الشاعر احمد جابر سويلم
يا دموع رسمها الزمن
يا حزن كلك شجن
سنين الغربة وخدانا
لطريق مجهول ورميانا
تهنا وتاهت خطاوينا
وأحلامنا اتبعثرت مادرينا
لو قلنا نشكى همومنا
يجى الزمن يحاكمنا
يا دنيا فين الفرح ولا
الفرح لساه مخاصمنا
خلاص يا دنيا مفرقاشى
أفراحنا تيجى متجيشى
رميت حمولى على ربى
رب العباد مابينساشى
همسح دموعى من عينى
الدنيا والله ماتسواشى
هرجع لبلدى واحبابى
وأقول يا غربة أنا ماشى
وأشوف حبيبي اللى
خصمنى اللى خصامه بيألمنى
هقوله توبة أبعد عنك
بلاش يا قلبى تكون قاسى
حقك عليا متزعالشى
جيتك يا قلبى ومش ماشى
يا حزن فوتنا وعدينا
طريقنا عارف خطاوينا
يا فرح قرب وتعالى
خلاص عرفنا ماراسينا
ياليل تعالى وسهرنا
على بر شطك رسينا
سلام يادنيا بأحزانك
الفرح جانا وهنانا
وأدى الحبيب عاد من تانى
بضحكة شالت احزانى
ضحك الزمان واتبسملى
بدرس قاسى وعلمنى
عاهدت نسى سنين عمرى
ماافوتشى مرة أنا بيى
ليست هناك تعليقات:
إرسال تعليق