علّمني / بقلم / زينب مغنيّة

 علّمني ..

علّمني كيف بدي أوعى

بلا ما تصبّّح عليّي

علّمني كيف بدي عيش

بلا ما تشوفَك عينيّي

علّمني قبل ما تفِل

كيف إنسى الورد والفِل

وقت ما تزِتُّن لما تطُل

ولاقيهن بإيديّي ..

علّمني روح مشاوير

ومش إنت الّلي تودّيني

علّمني لَحالي صير

وإضهَر بلا ما تلاقيني

علّمني عيش الحياة

بلا صوتَك بلا الكِلمات

وكيف تِبقى من الذّكريات

مش بِحياتي اليوميّة ..

يمكن صار لازم تروح

كِرمالَك وكِرمالي

بس هالشي بيهد الرّوح

وولا مرّة مرق ببالي

نِبعُد من بعد هالقُرب

و يغيب الدّفى و الحُب

ومش رح تبقى رفيق الدرب

ولا رح تسأل عليي ..

بقلم زينب مغنيّة