من اليوم نحن على ميعاد مع سلسلة قصائد زجلية بعنوان الباز أفندى قصائد كاشفة لواقع مؤلم موجود بعالمنا العربى
ألا وهو الفساد الذى أصبح تأثيره واضح ومدمر
ونحن نحاول مجرد محاولة لتسليط الضوء على التأثير المدمر على عالمنا نتيجة لعدم إحتواء تلك الظاهرة
من إعدادية لرئيس قطاع
لا تقول شهادة ولا بتاع
أول ما جانا فى الشركة كان
بيبيع هدوم كان فى الضياع
بيلف لفة وفى كل لفة
يكسب مكان
من الإعدادية لدبلوم زراعة
عملها دوغرى تقول فى ساعة
لاتقول لاوائح ولا قانون
وبس تعرف إن إنت عايش
فى دولة قالعة من غير هدوم
عدل أموره بالإنتخاب
حجزلو كرسي بقالوا باب
من النقابة لمجلس إدارة
لرئيس قطاع
وعنده بورج وكام عمارة
ورغم ذلك
ساكن فى شقة على المحارة
أه بالإيجار
وخدها وهبة من البرلمان
الباز أفندي هباش كبير
ضميره ميت من غير ضمير
رصيده عدى المليارات لكن بخيل
ورحته وحشه من الحرام
أهو عملهم وح يمشى وحده
ومش وخدهم
تعرف تقولى إيه إللى كسبه
شعر
على أبو السعود
ليست هناك تعليقات:
إرسال تعليق