وعد ومكتوب
وعد ومكتوب
على كل قلوب
تمسح في دموعها وأوجاعها
تخلص ويادوب
بيكون محسوب
الضحكة الحلوة بتندها
والدمعة كمان بنبدلها
دي الفرحة سعات بتنزلها
سبحان من غير احوالها
ماهي دنيا وبتسوق ف دلالها
بنغني الغنوة بموالها
أحلامنا بتوصف في جمالها
والواقع حادف أحزانها
وقلوبنا يا ناس بنبهدلها
تعبينها معانا بنظلمها
نكتب أشعار ونجملها
معقول بنفكر في كلامها
دي قلوب وبتوصف إحساسها
كل اللي علينا نرتبها
وساعات واللهِ بنخربها
والحاجة الحلوة بنقلبها
لو كانت لينا . بنعكسها
حتى الأحزان بنرقصها
نضحك . وبنبكي في تفاصيلها
نصرخ . والآاااه بندوبها
وبنشرب دايما من كاسها
والبسمة بنعرف نرسمها
واللحظة كمان بنقسمها
ماهو كان محسوب
وعد ومكتوب
للدمعة قلوب وبتوزنها
شادوليات
شاذلي محمد عبدالرحمن حسين.
ليست هناك تعليقات:
إرسال تعليق