يا ناس إلحقونا ..تاليف / ناصر يوسف عيسى
يا ناس الحقونا يا ناس الحقونا الزعقة مبحوحة والصرخة مكتومه
لإنسان بيغرق والكل غارق قبله وسارح وساهى فى همومه
لو قلنا تعبانين أو شقيانين أكيد معذورين فى دنيا مكلومه
هو إيه يا ناس مابقاش عندكم إحساس وأخلاقكم بتدهور
ده غريق بيستنجد ولإيده بيرفعها ويمدد إلحقوه لا يموت ويتفور
فين القلوب الجميلة اللِّى كانت كلها مملوءة بالرحمة
ولاَّ فين أخلاقكم اللى كلَّها تاهت منكوا فى الزحمة
ده الخير كان كله فيكم وكان فى أراضيكم بيطرح الفضل والنعمة
زمان كنا بنقول الجار قبل الدَّار والصديق قبل الطريق
دلوقتى بنقول هما ف حالهم واحنا ف حالنا بدون تعليق
وكنا بنقول القريب قبل الغريب ودلوقت القرايب عقارب وده تلفيق
على فكرة الدُّنيا ماتغيرتش قلوب الناس اللِّى اتغيرت واتكسَّرت
ليه مانرجعش تانى ونتجمع ع الحب والمودَّة اللِّى اتدهورت
ليه مانعملش الخير ونبعد عن الشر ونتحد وننفض إيدينا اللِّى اتعفرت
قولوا معى يارب نوَّر عقولنا وفرَّج همومنا وسهِّل امورنا اللِّى اتصعبت
ليست هناك تعليقات:
إرسال تعليق