عيون حلوين
أنا تايه مني
ومش عارف
أصلا أنا مين
بعشق و بحب
لكن خايف يا
عيون حلوين
يا عيون
دباحة و جراحة
سحرتني سنين
يا سنين واخداني
في دوامة
والراحة دي فين
عايز أبعد
عنك بصراحة
لكن علي فين
لو عايزة تلومي
طب لومي
و بالراحة علي
قلبي المسكين
قلبي اللي اتعلق
في حبالك
يا حبال دايبين
قلبي اللي ندالك
و مشالك
و مش عارف
رايح على فين
طول عمري بغني
في موالك
و موالي حزين
و أهي كلمة
نفسي اقولها لك
أنا أبقي مين
أنا العاشق لجمالك
و روحي تهون علشانك
صابر على القسوة
و متحمل الطاق طاقين
أنا تايه مني
و مش عارف
أصلا أنا مين
بقلم
عبيد رياض محمد
6/9/2022
ليست هناك تعليقات:
إرسال تعليق