دهب
...........................................
أبو أنس جينا نهنيك
بهالحفيده لجديده
تعيش وتربى بدلالك
إسما دهب وتتهنا
بي هالعيله الفريده
ويا بو دهب حلينا
تانكتبلا قصيده
...............
وتشوف على وشا الخير
وتبقى أجمل هديه
تربيها وتكبرها
تشوفا أحلى صبيه
تتعلم أحسن تعليم
وتبقى الشمعه المضويه
يلي بتضويلك هالبيت
وبأخلاقا مرضيه
................
وتبقى زينه بحياتك
متل الزهره النديه
وتاخد أعلى لشهادات
وتدرس أحسن كليه
ويا أم دهب تتهني
بي هالورده الجوريه
وتبقى إلك سند وعز
وترضيكي بالحنيه
......................................
ملك محمود الأصفر
ليست هناك تعليقات:
إرسال تعليق