الكسوة الحلوة مدينتنا
..........................................
الكسوه الحلوه مدينتنا ومنحبا كتير
فيها ربينا وكبرنا ورحنا مشاوير
والكسوه ما أحلاها بقلبا لكبير
والصبح لما يطل تفيق عصافير
أجمل غنيه تغني ترفرف وتطير
وتزقزق لهالورد الفايق بكير
وتنقل من غصن لغصن تشم العبير
..................................
الكسوه حلوه وجبالا بتحليها
متل السور وعم تشمخ حواليها
مرفوعة بعز وجمال بتعطيها
وفوقا نسور وبيارق عم تحميها
وسماها فيها طيور وفيها الحمام
يهدل هديل الحب يرف بسلام
ونفوس فيها نقيه حب وإيمان
ويطيب السهر فيها ويحلا الكلام
.................................
الكسوه يا أجمل عروس متوجه
وعطر حقولا من عطر البنفسجه
وبيوت فيها بالوداد معمره
وجناينها بالورود مسيجه
فيها الهوى والنور ورقة أنسام
وسهول خضرا بالزهور مطرزه
بجمالا عم تتغاوى رسمة فنان
وشهامه ورفعه ونفوس معززه
................................
وشوفوا الليل بكسوتنا لمن بيهل
بعد ما الشمس عنا بتغرب وتفل
ونجوم الليل بتلمع والبدر يطل
يشعشع بنورو الباهي ويضوي عالكل
نسهر ونسّهر معنا كل النجمات
ويصدح صوت الغنيه ونحكي حكايات
ونسمع صوت الموسيقى بأبهى النغمات
والسهره أحلى سهره وضحك وبسمات
......................................................
ملك محمود الأصفر
ليست هناك تعليقات:
إرسال تعليق