كلام من القلب
....................
تعالو نتكلم كلام معقول
للناس ال تفهم و تقدر وتصون
مش اللى عامل فهلوى وشطور
الجواز ياناس مش تجاره
ولا فهلوه وطمع وشطاره
الجواز استقرار وراحه
وبنت ناس راسيه ومش رداحه
ولاحما كل يوم عامله اذاعه
سنه السكينه للشاب ودباحه
تخلق مشاكل من مافيش
شويه مش عاجبها العريس
وعاوزه تدى أمه تفنيش
وشويه القايمه تتستف تستيف
مع اول زعله على البوليس
وتقش تعب السنين
ويطلع هو على مافيش
بقى ب الذمه ده كلام
ولاحتى ياناس اسلام
القائمه عرف مش قرأن
لازم ياخوانه القوانين تتغير
بلا كلام فاضى يحزن يحير
يابتوع القانون. القانون لازم يتغير
الأحوال الشخصيه. الدهب ده هديه.
.ليه يروح الشاب فيه ضحيه
والقايمه فحاله الطلاق تتقسم
ب النص ياعنيه .ليه تعبه يروح
بكلمه قسيه.وتتحكم فيه وتحبسه الوليه
شرع الله لازم يطبق
مش عاوزين قوانين وضعيه
الأسر ضاعت والأطفال صاعت
ارحمونا فرقتونا وقسمتونا
عاوزين دينا وقرأنا عشان يرجع زمانا
زمن الحب والإخاء زمن الفضيله والحياء
رافضين قوانينكم الوضعية
موتوا الحب والحنان.
قتلتوا الفرح والأمان
والسرور والضمير والدين
البشر بقى طماع مجنون
كله بيغدر ويبيع ويخون
ولا للعيش والملح يصون
الواحد بقى محتار
كرهتونا فى البيت والإستتقرار
ليه تتحكم فينا قوانين الإستعمار
محتلين من غير جيش ب العادات
الغربيه..افكار .وموضه وعربده وانحلال
بس انا ثابت مكانى وساكن روحى قرأنى
وسنه نبى الغالى غيروا القوانين الوضعيه
طبق دينى .. وسنه رسولى
هو الأمان والإستقرار
هو ميزان العدل والحريه
هو الكرامه والإنسانيه
فيه صلاح الدنيا والبشرية
كلمتك كلام من القلب للقلب
وأقولك سلام مع كلام مهم لمجتع الإسلام
بقلمى/ سميه نور الدين محمد عبد الرازق
5/11/23
ليست هناك تعليقات:
إرسال تعليق