صفر واقف ع الشمال
الدنيا مال
وانا صفر واقف ع الشمال
عشت الأمال
ولا ليا دعوة
بهما قالوا . وهو قال
شوفت المحال
ماهي دنيا سايقة يا سيدي
على أهلي الدلال
باسأل سؤال
ممكن تردي عليا
من غير انفعال
على أي حال
راضي بنصيبي
وصبرى طال
لو شيلتي عني الحمل مرة
وهمي زال
هتحسي يعني . بأي حاجة
ولا هأخطرلك ببال
يعني الحكاية كلها
من غير جدال
فكيلي يعني . الربطة مرة
واقطعي عني الحبال
ارسميلي رسمة حلوة
وأبقى فيها كمان هلال
ارحميني من الدموع
صدقيني هتبقى عال
واقدر أضرب . ميت مثال
نفسي اسمع ضحكتي
بس خايف لما اضحك
تبقى دنيا وحالها
مال
شادوليات
من ديوان خارج عن المألوف
أمي والفروجتين
شاذلي محمد عبدالرحمن حسين .
ليست هناك تعليقات:
إرسال تعليق