برد صايع
لا كهربا ولاحطب لامازوت
والبرد صايع بالفلا وبيوت
لا همه عصفور دون جناح
ولاهمه ختيار عما يموت
حفزت حرفي تايجيب حلول
الفيه الدفا من آب من أيلول
لقيتو مغرق بالشتي ومبلول
واقف عاباب البيت مابيفوت
ناطر سحب الغيوم تاتمرق
حتى وجه هالشمس لا يشرق
خلا الجمر بخوافقي يحرق
وصرخت حتى فيه دوى الصوت
تصرصع بصوتي وفل بالعالي
وخدو انصهر تاصار بيلالي
وعم الدفى نهارات وليالي
وانزاح شر الكهربا ومازوت
شاعر العرب نادر منجه
ليست هناك تعليقات:
إرسال تعليق