(47 )همسة صباحية
كل شي الو نهاية
الحزن الفرح
السعادة الترح
حتى حكايات الكتاب
والضحكة لنرسمت عوجوه الصحاب
والبوسة عخدود الحباب
ما في شي ثابت بالدني
ولا فينا نلحق ايام الولدنة
مبارح كنا هون واليوم طايرين
يمكن نرجع يمكن تاكلنا السنين
ونعيش باقي العمر عالحنين
لا نتذكر بدايه ولا نلحق نهاية
ونبقى عايشين نبكي ونتحسر
عكل مشية عكل كلمة عكل نفس تنفسناه وعشناه بهاك الحكاية.
"فاتن دياب"
ليست هناك تعليقات:
إرسال تعليق