خمسين جنيهاً
******************
هتجيبي أيه يا ٥٠ جنيه
بعد اما صرتي ملطشه
وماتنفعيش مصروف لبيت
أو حجز دكتورة نسا
ولا ماتجبيش دوا للعيال
ولا حتى لفطار أو عشا
ولا حتى مصروف للولد
ولا بنت يا ابني كويسه
وان مت ماتجيبي الكفن
ولا مغسل من طره
والتربي يرفض يمسكك
لو حتى كان م المعصره
أتبهدلتي ليه أيه السبب
ليه جيبتي لينا ولورا
أيه اللي صار ليكي وكان
خلاكي صرتي مسخره
ده انا يوم ما أموت هيكون سكوت
ولا حد هيحس أن انا
ميت عشان مصاريف ياخال
خارجه وجنازه مقندله
وهيرموا ليا في نهر نيل
ويتقلوني بسلسله..
بقلمي .. الشاعر ياسر فؤاد الجدي
الأثنين .. ٢٥/٨/٢٠٢٥
ليست هناك تعليقات:
إرسال تعليق