موقدة وحطب
ياليت موقدة وحطب
وندى ورطب
لساته معشش بالديار
والمقلي والسانون
ونارشهر كانون
وبقيت بقلوبنا
هالمحبي
وطنجرة اللبن والحليب
وعلب اللوز والزبيب
بلاحارس
وبلارقيب
تحت هالمكبي
كانت عيشتنا هنيي
كبي بهالصينيي
ونوم ييدغدغ بعينيي
وحكايات ستي
وجاراتنا بلامهتي
وفتي بصحن هالكشك
خبزات فتي
وكاسات وأبريق
هالمتي
وصوبة الحطب
وجمر ووهج
وتلج مغطي هالمرج
وصبايا متل الحجل
عادرب العين
يكرجو كرج
وفساتين بلون الربيع
وهالكون الوسيع
واشتري الفرح
ولاتبيع
وزنانير الحرير
وجدايل مع الهوا
تطير
ياريت بترجع المقادير
وشتلات التتن بالحواكير
وصبحيي وناعوسي
بعينيي
وفيقه بكير
وتعشش بقلوبنا
وترجعلنا أحلامنا
وليالي الهنا
بقلمي
سليمان أبا الحسن
المكزون
ليست هناك تعليقات:
إرسال تعليق