زجل غنائي
تلج وبرد
تلج وبرد
بيغرد غرد
وقناني
نفسك تطرا وعين
ترف
وروحك تبقى
هيماني.
كل شي فيك بيتحرك
بتتحمل وبتتبرك
وبتهزك متل الريحاني
خود وهات
قراني البات
تعزف ألحان
وغناني
وتغني موشح وقدود
وترندح عالماني
الماني
دنيي عصف وبرد
وتلج
غطى السفح
وغطى المرج
ولبس تيابو بيض
الحرج
ومنو بتصطك أسناني
ولع ولع كانونك
ودخانه يبكي عيونك
عاهالسهرة ممنونك
كتير السهرة حلياني
صب الكاس يا
بوالياس
نشوة روحك والإحساس
ماحلا العشرة والنشرة
محبة أهل وكل
الناس
لاتضرب أخماس باسداس
ولوجالك نوبة انعاس
خلي كاسك رياني
بكره بيفرجها ربك
لا تقلق لاتتلبك
أنت لوالله يحبك
الدنيا كلا روياني
مع اصحابي والخلان
عيشه سلام وأمان
يعربش بشروشه الريحان
ويرجع ربيع التاني
ننزل سوا عالبستان
وبنقطف خوخ ورمان
والنرجس لساتونعسان
وهالصبيية نعساني
تسمع صوت الميي
هدير
تشرشر من علالي
الشير
وترندح بالودياني
وعلى الماني عالماني
قتلني وعاود رضاني
وشوقي زاد وحناني
عب الرمان مزهزه
كلو حامض لفاني
بكرة بيطلع فجر
جديد
متل ماالله بيريد
ونقعد سلطان
زماني
غنائية زجل
بقلمي
سليمان أباالحسن
المكزون
ليست هناك تعليقات:
إرسال تعليق