واقع
جوايا الحرف معذبني
إحساس جوايا وسيل جارف
وكأن الحرف هو دوايا
بيطبب قلبي واحزانه
واوقات بيكون لقلبي مراية
اوتار له بتعزف ألحانه
ولكن الكل لي يعاتب
محبوس مع حرفك بخيالك
ضيعت العمر كتير كاتب
في الواقع بس تلقى آمالك
بلا حرف خلاص مالوه قيمة
مليم تعريفة نكلة قديمة
وجنية ما يجيب قطعة طوفي
وملايين دولارات لنجوم سيما
سيبك من حرفك وكتابك
خليك في الدنيا وأحوالها
وأكتم جواك حتى عذابك
وخليك في واقعها واهوالها
يحيى حسين القاهرة
23 نوفمبر 2022
ليست هناك تعليقات:
إرسال تعليق