بهاك العمر
بهاك العمر قعدت صبية من حبق
ضحكت دني مدت من نهودا طبق
رقرق نبع شمر عن زنودو سبع
صار الفلا جنات سبحان الخلق
صبح ومسا عطر الصبية يفوح
حول الفرح روح التقت مع روح
ولى الألم شفيت بضحكة جروح
عيد وهرج جيران بابن ماانغلق
عند المطر يد الصبية سقوف
ترد الخطر شو هان فيه وقوف
حتى القدر أدمن على المألوف
وعاباب غير بخير عمرو ماطرق
معقول عقل القدر زيو كالبشر
غمض عيونو وصار ماعندو نظر
ببدال مابالليل بالعالي قمر
علو قمر مجبول بشرور وفسق
عينو على الغزلان تايخبر وحش
تايصيدها خنزير وبيبحش بحش
ياريت لو بقيت مراكبنا جحش
وعادروب أهل الشر مابدنا سبق
شاعر العرب نادر منجه
٢٠. ١١. ٢٠٢٤
ليست هناك تعليقات:
إرسال تعليق