عيونك
جمال عيونك سحرني سحر
من لونهم غار الزهر
جمد الدمع بالمقل وغرغر
غزار ة جريانها بيهدر هدر
من البهجة والفرحة فاح العطر
لمع عيونك بيبهر بهر
جارحة مثل النسر
من صفاء عيونك هدوء البحر
ملعب واسع للعصافير
بتغط حواليها وبتطير
من حسرتها رح تموت قهر
سحر عيونك بلون البحر
من لونها غارو الخضر
دمع عيونك مسك وعنبر
من عبقهم خجل المرمر
من شهد عيونك سال القطر
زرف دموعك حنيِّن غمرني غمر
من نظراتك ذبت وانصهرت صهر
رف عيونك عملِّي جنان
بغمزات عيونك صرت ولهان
رمش عيونك رسم فنان
عيونك زينة بكل مكان
غمزتهم فرحة للحضور والخلان
من نداهم إبتهج وفتح البيلسان
عيونك جرحوني وحبنا زاد وانتشر
أجمل عيون غمزوني طول العمر
بقلمي حسين محمد دلول
١٢\١١\٢٠٢٤
ليست هناك تعليقات:
إرسال تعليق