يا قلبي ليه حنيت؟
لحبيب نساك وفات
في دربه تاني مشيت
ومن جور فراقه بكيت
فاتك بدون اسباب
فاتك وما راعااااك
ولي عهده انت رعيت
ياقلبي ليه حنيت
يا قلبي ليه بتحن
لحبيب ملاك حزن
لحبيب دواخله أبن
يقاسمك الافراح
ويبقى ليك سكن
يقطع معاك مشوار
مليااان شعور.وفرح
ويذوق معاك. الحب
لو كان بأغلى ثمن
لكنه… مااااحسااااك
فاتك وما راعااااك
خلاك تبكي تئن
جالك سعيد فرحان
شان تبقى ليهو وطن
لكنه وااااااااسفك
خلاك تبكي تئِن
ارحل خلاص سيبه
وفارق عشانه مُدن
شن حيلة الملتاع
غير النواح والحِن
ياقلبي ابكي ونوح
فاتك حبيب الروح
حبيته ما حباااااااك
فاتك وما نادااااااك
ولاحس بيك مجروح
كان طيفه هسا معاك
شادن وجيههُ صبوح
ان قلت طبعه ملاك
وان قلت بلبل دوح
برضو الفراق خصاك
لو تبكي ولا تنوح
هل حكم الغرام شرّع؟
هجر الحبيب مسموح؟
اصلو الدموع راجياك
لو احتميت بي صروح
كلمات/الشاعر أبوليلى
ليست هناك تعليقات:
إرسال تعليق