نيالك يا أمي
نيالك يا أمي فليتي
لا حرب شفتي
ولا ع مجازر طليتي
كان قلبك انفطر
ومن جوا أحساسك بالقهر انعصر
لو بتشوفي يا أمي كيف عم نقضي ايامنا
بكي ونحيب وغير الصلاة ما في قدامنا
إيدينا مربطين ودموعنا ذارفين
ما فقدنا الحيلة والإيمان
وعقيدتنا دائماً هي العنوان
بس أحياناً يا أمي منتعب
ع حياتنا منشكي ومنعتب
من اول ما خلقنا نفس الحكاية
حروب ومعارك ما الها نهاية
بس يا أمي ما فينا عن بلدنا نتخلى
الوطن بكلامنا وانفاسنا بيتجلى
ناطرين النصر يا أمي تيكون حليفنا
ونرجع نزلغط ويصير الفرح ضيفنا
ما يعود همنا نتخبى ونخبى ولادنا
وترجع الحياة تملّي ايامنا وعيادنا
"فاتن دياب"
لبنان
ليست هناك تعليقات:
إرسال تعليق