العالم غابة
أصبحنا ف العالم غابة
فيها سيل من الجيوش
مش بني أدمين يابابا
دول أوحش م الوحوش
علشان تعيش ما بنهم
عقلك ف نص راسك ؟
لما تقرب منهم
خليك حريص لفاسك
خلى نباتك دايما
يصرخ تحت سنه
منين حيجي الخير.
غير من أرضك ومنه ؟
عيونك تملي صاحية
أوعى تغفل ف يوم
البشر بكل ناحية
حابة الخراب يدوم
تلاقيه مصاحب عدوك
من اجل انه يشمت فيك
يتمنى لو شئ يسوك.و
يعمل زعلان عليك
ماعدش ف الدنيا طيب
الخير مبقاش كتير
ع الطيبة بقينا نعيب و
قدمت موضة الضمير
تمد أيديك بالحنية
يطمعوا وياكلوا دراعك
تعاملهم بحسن النية
يتفقوا على ضياعك
إللي ع الكدب أتربى
متستناش منه خير ؟
زنبلك أتملى واتعبى
فاجر عامل أمير
تشكيلة نفاق كدابة
حقدها على الوشوش
طول عمرها متعابة
تطلع وتنزل على فاشوش
أصبحنا ف العالم غابة
فيها سيل من الجيوش
مش بني أدمين يا بابا
دول أوحش م الوحوش
بقلم
فتحي ابو طاحون
4/10/2024
ليست هناك تعليقات:
إرسال تعليق