الأربعاء، 3 يوليو 2024

إستغاثة / بقلم / يحيى حسين

 إستغاثة

أخبي أنا شوقي جوايا
وأضحك على قلبي وأذمه
واقول يارب اكفيني
من غدر الحب ونار سمه
بكذب على قلبي وأنا عارف
شريان العشق نبضه و دمه
عايش للحب وأحلامه
ولحضن يسيعه ويضمه
و القلب مسخوط لسه صغير
مشتاق لحنان حجره وأمه
دايما الحب وكلامه
ما سيرة غيرها على فمه
كأن الحب هو حياته
ولا حاجة في الدنيا تهمه
يشكيلي تمللي بأوجاعه
وعايزني لوحدي أشيل همه
ملعون القلب واوجاعه
ماحد يحوشه عني يلمه
يحيى حسين القاهرة
28 نوفمبر 2020


ليست هناك تعليقات:

إرسال تعليق