تبسم
......
هنفضل نعانى
ونرسم أمانى
ونصحى نلاقى
نفس الأمانى
وتخلص حكاوى
بس اللى فاضل
حبة ثوانى
مين اللي فاضل
ومين اللى باقى
مين اللي عانا
ومين عدى عادى
مفيش أفراح
وعاش فى جراح
فى عمره اللى
عدى مابات مرتاح
فسيبك ياعم من حرق
دمك مسا وصباح
وتعالى جنبى نفضفض
ونرغى وننسى اللى راح
تسامحني تعاتبنى
مش فارقه عندى
ومش ساهله عندى
أسمع وأخبى
مردش عتابك
بوجعى اللى عندى
كاتم وصابر وعمال
بكابر فى المستخبى
جراحى قتلنى
وعتابى ليك عندنى
إنى لوحدى وجراحى
قدامك فضحنى
فسيب الزمان ياخد
مكانه لحد عندى
يمكن سعتها أفرح
يومين وأنسى همى
.......
بقلمى
هيثم محمد عبدالعال
ليست هناك تعليقات:
إرسال تعليق